خلاص مـــش ليــا

انا عارفة خلاص انك مش ليا
خلاص يا قلبي قول لحبيبك
قوله هبعد خلاص وهسيبك
قوله قدري ماكنش نصيبك
وبلاش تكون نهايتي بإيدك


وجودي جنبك هيدمرني
هيهدني زي ماكبرني
ومش هلاقيك جنبي تصبرني
بس انا عارفة خلاص انك مش ليا


يبقى ليه نعذب بعضنا
جرحي وجرحك يبقوا بإيدينا
ليه نغرق في دموع عنينا
دي دمعة عينك غالية عليا


ماتحلفنيش بغلاوتك عندي
وتقولي محتاجك جنبي
مانت عارف ان بعادي
ذنبك انت مش ذنبي


ماتفكرنيش بسهولة هبيع
ومن غيرك هعيش مرتاحة
ده انا بعدك هتوه وهضيع
ومش هشوف فى يوم راحة
بس انت خلاص بقيت مش ليا